E andando li frari per quele rive, trovā tuta la tera vergada e vara de diversi colori e a ovre bele, como s'ele fose destesi tapedi o porpore con oro e senza oro molto a diverse ovre e de gropi e de foie e de scachi e de albori e de osieli e de altre bele cose fase in drapi e in porpore et in penture a li muri de le gliesie e de li palazi e in le sale e in le camere e per gran divisamento per aver dileto al cuor e gran [. . . . . . . . . . . . . . . .] foia sė aveva da uno ladi lo sol e tal che aveva la luna; sė ne viti pome ingranade molto grose e lo so granelo iera groso como nosie; sė ne viti tege de fava longe uno brazo e lo favo groso como nosie; sė viti zieriesie grose como persegi e como pome comunal; sė viti ruose grande como taieri e nespole grande como pome; sė viti cane berganege longe LX pič e grose como albori de nave; sė viti mandragole grande como omeni comunal; sė viti ganbari grandi como omeni; sė viti animali molti stranii da veder e de diverse figure, et altre da do pič et altre da tre et altre da quatro, in per infina XII pič, altri aveva uno cavo et altri do et altri tre e cusė in per infėna XII; de questi, altri aveva man, altri ale, e altri con pene e altri con sede, altri con pelo, altri con scorzo duro; e de questi, altri aveva corne forzelade, altre cresta, altre barba; altre uno ochio, altre do, altre tre infina XII ochi; e de queste, altre cantava e altre balava, altre andava, altre saltava e altre coreva.
S'iera canpi lavoradi e volti como eli fose da semenar; e altri s'iera semenadi e ziā iera nasudo in erba le cose; e altri iera pleni de banbasio e altri aveva zafaran e altri garofali e altri melegete e altri risi e altre cose molto stranie da veder e da oldir.
| |
|
