...
      MARCHESA (interrompendolo). Na, di 'n po' nen d' tambournarie!...
      GENERALE. Già, già, già! Taparei! Taparei! A l'an nen tute le gruméle a post!
      MARCHESA. Ma e so pare, cos' dislou ch'a chita 'l servissi?
      CONTESSA. Là là, a l'è mei ch'i counta mi la storia, mi chi la sœu. A l'a countame tutt Coustansa. A chita pa 'l servissi parei.... a lou chita përché ch'a veul tourné a Rouma a fé 'l pitour.
      ABATE. Uh! (incredulità)
      GENERALE. Uh! (incredulità)
      MARCHESA. Uh! (incredulità)
      CAPITANO. Diaou d'idea!
      CONTESSA. Ma loulí.... fait e finí.... ognidun a l'è padroun d' choisi soua cariera.
      GENERALE. Bela carriera.
      MARCHESA. Na, va ben.... i soun con voui.... basta.... passiensa. Ma a l'è pà 'l tutt.... e iv' confëssou, gnanca mi ch'i j'eu nen d' pregiudissi, i sœu nen vaire capí... Insouma a l'è ch'a veul andé a Rouma a fé 'l pitour d'mesté.
      GENERALE. Uh! Che diaou! Vœullou, andé fé 'l bianchin?(ridendo).
      CONTESSA. No (ridendo), nen 'l bianchin, ma a vœul fé 'l pitour, vende i so quader.... saine mi.... (risa generali).
      GENERALE. Am smia ch'í Taparei a vœulou sourpasesse an sta generassion. Ma na.... soussí a passa la mira. Prima a voulia fé l'istrioun, adess a vœul fé 'l pitour d' mesté. Fussa 'l Re, i voudria mandelou mi a dipinge le vedute a Fenestrele.... e buteje la sërvela a partí.
      MARCHESA. Ma, me cari fiœui, mi soun veja, e de 'ste vostre idee d'adess, mi na capisson propri nen.... Spiegheme 'n po'. Ma Massimo (sorridendo) vœullou fé 'l mesté d' coul sirougneta 'd Vacca ch'a l'a fait la miniatura sí d'Gina?... Guardé lí general!.... l'è daré d'voui.
      GENERALE. Mi si ch'i sœu!
      CONTESSA. No, tournou a ripete.... a l'è pa lo'.... là... pié na cariera o n'autra.... loulí.... ognidun.... I vëde ben, a j'era 'n architett Alfer, ades a j'è Brem, coul ch'a sta a Milan ch'a pitura; a j'e Canei.