Poggi, Orat. Funeb. Pag. 121.
      40 "Mariottus Nicholai Gerini sapientissimo juveni Iohanni Cosmę de Medici S. P. D. Postquam hinc discedisti etc. alia non tibi significo quare non sunt. Dominus Lionardus Aretinus nona die huius mensis spiravit, cui miseratur Onnipotens. Vale, mi amice. Florentie die nona martii. Scripsi quan raptim." Archivio Centrale di Stato, Sezione 2, Carteggio Mediceo avanti il Principato filza 9, N. 538.)
      41 Lettera di Alamanno Rinuccini in morte di Leonardo Aretino.
      Iohanni Medice, Alamannus Rinuccius, Philippi filius, S. P. D. Etsi non dubitabam moltorum litteras et nuntios, famam denique ipsam sua celeritate hanc epistolam superaturam; nichilominus mutua benivolentia nostra dignum esse existimavi me quoque aliquid ad te scribere qui pridie quam haec scripsi vita defunctus est. Sed cum sępius hęc ipsa quę nunc ad te mitto, litteris mandare cepissem, tanta vis oboriebatur lacrimarum, ut scripta omnia deleret atque expingeret. Non enim poteram non vehementer moveri, cum tantas ac tam immortalitate dignissimas virtutes tam subito ex oculis sublatas animadverterem: quę non modo sibi ipsi, sed amicis omnibus ac civitati universę decori aqtue pręsidio summo esse videbantur. Quis enim unquam maioris studii aut benivolentię in omnes fuit, notos pariter atque incognitos? quis erga familiares humanior? quis in amicis, consilio, opera atque industria juvandis studiosior? quis in comunibus patrię utilitatibus providendis diligentior? quis denique omni virtutum et scientiarum genere clarior atque illustrior? ut profecto inter priscos illos et vetustissimos romanos commemorandus appareat.