Perque à suogio mò dire così, e so que à no me rego, che vù, Segnore(357), col vostro stare la maor parte de i vostri dì, con tutto l'anemo e con tutto 'l spiretto, cazzò in quelle ca d'i pianuotti de sora à furegare per le suò massarie, à v'hi fatto compagno de barba Giove, frello zurò de Marte, se ben mò le bravarì no ve piase, cusin carnale de Mercorella, e compare de tutti gi altri: de muò que à stago à spittare, che da 'l gran ben que tutti qui pianuotti ve vò, ch'un dì, à pe d'iggi, i ve intartegne la su, e in luogo d'un Galileo i ve stramua in t'una bella fegura d'un nuovo Galion, per farve così quel hanore que à mieritè, degneole delle vuostre lustrie faighe e prefetto saere; que ve farà po an vù restare in la smalmuoria de tutti i buoni slettran, le bissecole d'agni. E perque mò sto me amore e asservation, que à ve porto, n'habbi da restarme sempre mé adosso, in confession, con fe quel della mea Bortola de Nale col so moroso, spigaruolo d'i Gagi da Tramonte, que la no ghe vosse mè far saere el ben che la ghe volea, selomè quel dì che buttanto el derean sospiero, che fu d'altro che d'amore, con se suol dire, traganto del peto al muro, la tirè su i scofon; à gh'he vogiù adesso, con sta bella casion de sto me faelamento sora la nieve passà, così fatto con l'è, vegnirve à far rebelintia, e onfrirme, co'à fago, per vostro gastaldo e sierviore; così pregantove, che smiranto no alla qualitè de quel ch'à ve mando, que xè un gnente al palangon dell'amor ch'à ve porto, ma solamen al puro affietto de quelù che ve 'l manda, que à son mò mi, che al vogiè cettare e vere ontiera, e tegnirvelo à pe de vù per na smalmuoria de quel ben che mè sempre à ve son per portare.