Bologna, 31 marzo 1610.
     
      Bibl. Palatina in Vienna. Cod. 10703, car. 63. - Autografa.
     
      Eu pràttein.
     
      Praestantissime Domine Keplere,
     
      Saepe ad te, nullas abs te. Proxime Nuncium Sidereum de quatuor novis planetis, per me remissum, si consecutus es, id ut volui factum; sin minus, tuis hac de re edoceri cupio. Est res miranda, est res stupenda: vera an falsa, ignoro. Proin, si tua erga me voluntas, de qua omnis mihi dubitandi ansa est praecisa, est prompta, si, inquam, tua erga me benevolentia, qua me semper, Pragae delitescentem, es prosecutus, antiquum obtinet, iudicium de his Galilei quatuor novis planetis quin mecum sis communicaturus, nullus dubito. Quicquid horum arcanorum caelestium per literarum aequor commiseris et concredideris, lapidi te concredidisse credas. Nulli etenim, sit ille quicunque velit, illa communicabo, sed veluti in theca omnia clausa habebo, dum syn to theò ad tuum animum notum et vere amicum rediero.
      Praga, nova quae excipiat, si libet, motu proprio paucis depinge. Facturus gratissimum. Plura non do, iudicium tuum expectans, quod non gravaberis proxima occasione ad me Bononiam (vivo enim cum Magino) transmittere. Vale sideribus et nostrae scientiae, gemmula clara et cara Boëmiae.
     
      Bononiae, 31 Martii a.° 610.
      Tuae Excell.aeStudiosissimus semper
      Martinus Horky a Lòchovic
      m. pp.
     
      Fuori: Nobilissimo et Praestantis.mo Viro
      Domino M. Ioanni Keplero, S.ae C.ae M.tis Mathematico dignissimo,
      D.no patrono suo Observandissimo.
      Pragam.
     
     
     
      286*.
     
      OTTAVIO BRENZONI a GALILEO in Padova.
      Verona, 3 aprile 1610.