Pagina (343/708)

   

pagina


Pagina_Precedente  Pagina_Successiva  Indice  Copertina 

      Risponde anche alla Novella intitolata Le cento sporte, che si contiene nell'opuscolo: Due,fiabe,toscane,Annotate da V. I.,,Esemplari C,, Napoli,Stabilimento tipografico A. Trani,Strada Medina 25, M.DCCC.LXXVI. Fu raccolta dalla signora Larissa Giorgi da Prato. Eccone una lezione milanese:
     
      I TRE TOSANN DEL PRESTINEE84
     
     
      Gh'era on prestinee, ch'el gh'aveva tre tosânn; eren on poo cattiv; faven immattì i soeu gent85. E la soa mamma, in att de rabbia, la dis: - «Se veniss anca on lader a tœuv, mi ve lassi toeu86.» - Domà che de lì a on poo de temp, va on scior a cercà vunna di so tosânn. Lee, la dimanda chi l'era; e la voreva savè de che famiglia l'era per podè dagh la soa tosa. Lu, el gh'ha portàa tutt i so cart in regola: e lor han vedùu, che l'era on bon partii. Ma sti cart eren tutt cart fals, che lor han minga cognossùu, ch'eren fals. El ghe dis, ch'apenna sposada, l'avaria menada in dove stava lu, in la soa citàa. El ghe fa di bej regaj de robba finna e fan sto sposalizi e pœu la mena via. Lee, la saluda i so gent, la saluda i so sorell; e pœu via van. Domà che fan tanta strada, tanta strada! distant!... e bosch!... quand hin staa in d'on sit, che gh'era propi nissun, in d'on bosch, el picca in d'ona portascia87, e là ven di omen a dervigh. Lu, el ghe dis a sti omen: - «Ecco, questa l'è la mia sposa!» - E pœu el ghe dis, a lee: - «Sappia, che se te vœut dormì, dorma del dì. Ma de nott bisogna che te staghet dessedada, perchè nun a la sira vemm via e ti te dèvet stà attenta, per quand vegnem a cà, che picchem la porta, a dervinn.


Pagina_Precedente  Pagina_Successiva  Indice  Copertina 

   

La novellaja fiorentina
Fiabe e novelline
di Vittorio Imbriani
Editore Vigo Livorno
1877 pagine 708

   





Novella Annotate Esemplari C Napoli Stabilimento Trani Strada Medina Larissa Giorgi Prato