Ianuae, qui soldi ut infra percipiantur: videlicet a milite in mense L. 4, Ss. 10, a pedite et balistario Ss. 30 ian. monetae. Comune et homines de Sassari habebunt et recipient in perpetuum quolibet anno potestatem ianuensem, qui civis et oriundus sit civitatis Ianuae, qui ad eum regimen secum conducat militem unum sive socium, notarium unum de collegio Ianuae, scriventes armigeros decem et aliam familiam prohut honori suo videbitur expedire, et equos quatuor teneat, quousque in dicto fuerit officio. Qui potestas omnem iurisdictionem, merum et mixtum imperium ac quamlibet potestatem in dicta terra Sassari et districtu habeat et exerceat; et regat secundum capitula et statuta et consuetudines loci praedicti; ita quod potestas nullum habeat superiorem vel aequalem, per quem eiusdem potestatis officium impediatur Eidem vero potestati Sassarienses dare debebunt quolibet anno pro suo salario et dictae familiae L. 600 ian. monetae, et sit dictus potestas contentus dicto salario, salvo quod possit accipere exculentum et epulentum, et quod intra tres dies proximos consumatur. Eiusdem vero potestatis electio fiat in hunc modum: videlicet quod consilium maius et antiani civ. Ianuae congregentur annis singulis infra dies octo mensis augusti, in quo consilio eligantur quatuor per compagnam de hominibus, qui in ipso erunt praesentes consilio, qui cum electi fuerint, ab aliis segregati, iurent eligere quem crediderint esse de melioribus, et ille qui inventus fuerit habere inter ipsos quatuor per compagnam, qui erunt numero 32, duas partes brevium, eligatur et sit potestas terrae Sassari Qui vero fuit potestas in dicto loco Sassari, inde ad septem annos completos, eiusdem loci potestas esse non possit, nec aliquis de albergo suo sive de cognomine, usque ad annos tres proxime completos.