— Sunnu tri. — E li spissi? — Picca cci nn'è. — T'ha cadutu focu supra la casa? — Dui voti. — Ti nn'havi a cadiri cchiù? — 'N'àutra vota.»
      Gli spissi, sono i denti; il fuoco, le figliuole. Hai avuto mai figliuole? Hai figlie? Devi averne più? — Una altra.
      Il secondo racconto corre anche a parte, ed io ne ho potuto raccogliere una variante così curiosa che parmi pregio dell'opera il riferirla nella sua originalità, quale mi venne riferita da Pietro Livigni:
     
      Lu Furasteri e lu Tratturi.
     
      Cc'era 'na vota un furasteri, chi java firriannu tutti li megghiu cità pi l'affari soi. Veni e veni 'n Palermu. Va nna 'na tratturia; mancia; a lu pagàricci lu cuntu,597 lu tratturi si scorda di mittiricci 'nta lu cuntu du' ova duri ch'iddu s'avia manciato. Lu furasteri parti, e s'adduna cca cci avia arristatu a dari du' ovà a lu tratturi. Dici: «chi fazzu? tornu? eh bonu! Sti du' ova cci li niguzziu;598 e quannu tornu 'n Palermu cci li dugnu cu tutti li guadagni.»
      Passannu, comu dicissimu, 'na dicina d'anni, stu furasteri veni 'n'àutra vota 'n Palermu; va nni lu tratturi: — «Mi canusciti a mia?» — «Nonsignura.» — «Io sugnu ddu furasteri, si vi nn'arrigurdati, ca deci anni nn'arreri vinni nna la vostra tratturia, e mi dàstivu a manciari chistu e chistu; e quannu mi facistivu lu cuntu, vi scurdàstivu a passàrimi du' ova duri ch'io m'avia manciatu. Ora sti du' ova vi l'haju niguzziatu, e ccà cc'e cinquant'unzi ca su' li guadagni di sti du' ova.» Vôtasi bottu 'ntra bottu lu tratturi: — «Cinquant'unzi!! Gnirnò, ca lu restu m'aviti a dari» — «Lu restu?