» — «Chi diavulu diciti! cci arrispunninu li Judici. Comu pò essiri mai ca li pisci di lu mari pigghianu pi ccà?» Si vota lu patrucinatori: — «E comu pò essiri mai ca du' ova duri ponnu fari puddicini; e tutti li lavornii607 chi cci nèscinu di 'mmucca a stu tratturi?»
      Si pirsuasiru allura li Judici, e canciaru: lu furasteri appi raggiuni, e lu tratturi, ch' 'un si vosi cuntintari di lu giustu, 'un appi nè picca nè assai.
      Palermo.
     
      I calcoli fatti dal trattore sono nè più nè meno quelli di Nardu Nnappa nella Conversione di S. Margarita di Cortona, azione sagra per teatro di Aci Drepaneo, pastore ericino (In Palermo, MDCCLXXXVI per le stampe di Ferrer); atto I, scena ultima:
      «Cu un ovu di gaddina — (Tuccatu di lu gaddu) — Si fa lu puddicinu. — Lu puddicinu poi si fa gaddina, — La gaddina fa l'ova, — Li cuva, e scuva tanti puddicini. — Chisti si ponnu vinniri, — E accattari 'na crapa; — La crapa a pocu a pocu — Fa tanti crapuzzi, e crasticeddi, — Ch'in menu di deci anni — Ti pôi fari 'na mandra grossa, e grassa — Numirusa di pecuri e di crapi....»
      La causa portata in tribunale e le sentenze contrarie sono, sott'altro aspetto, nel Capumastru chiavitteri e lu Re di Spagna, tradizione che corre pure col titolo: La calata di li Judici.
      IX
     
      Li tri casini.
      'Na vota s'arriccunta ca cc'era un Re, ca avia un sulu figghiu ca 'un vulia sèntiri propria di maritarisi. La raggiuni era ca tinia 'na picciotta ca cci facia scurdari a tutti, e chista cci avia 'ncatinatu lu cori. Ora stu Riuzzu, 'un putiènnusi luvàri608 a stu patri di 'ncuoddu, un jornu cci dissi: — «Papà, mi maritu, ma c'un pattu: ca m'aviti a mannari a pigghiari li ritratti di tutti li figghi di li Rignanti; chidda ca mi talenta, mi la pigghiu». Lu patri fu lestu a mannari li so' currieri, e appi tutti li ritratti ca vulia.