Io pure alla fine accortomi che costui avea l'udir grosso, alzata alquanto più la voce gli dissi: — Dio ti salvi! Insegnami di grazia, perciocchè io son forestiero, dove io possa alloggiare.»
      Per l'astuzia del ladro, che si fa chiudere e vendere in un quadro, vedi Lu scavu, e Li Tridici sbannuti (e la nota relativa) di questa raccolta, e Die jüngste kluge Kaufmannstochter (La figlia minore del mercante scaltra) della Gonzenbach.
      Altri riscontri istituisce il Köhler nel Jahrbuch f. rom. u. engl. Lit. di Lipsia, VII, 1, pag. 32 e seg.
      XXII.
     
      Li setti latri.
      Si cunta e s'arriccunta stu billissimu cuntu.
      'Na vota cc'era 'na mamma cu setti figli fimmini; sti figli filavanu. Cc'eranu setti latri e capitaru a sta casa e tuppiàru: — «Mamma granni, mamma granni!» — «Cu' è dduocu?» — «Nuàtri sièmu.» E cci apríu. Comu trasièru: — «Ora nuàtri viniemu pi 'na picciotta.» — «E pirchì la vuliti?» — «Pirchì li nostri mogli nun hannu 'na picciuttedda e nn'hannu bisuognu:» — «Tresa, dici la matri, cci vô' jiri tu, a la matri?» — «Sissignura!» Hannu pigliatu li latri un sacchiteddu di dinari e cci l'hannu datu a la matri; e si pigliaru la picciuttedda.
      Comu si nni jeru, la pigliaru e la purtaru 'nta 'na casina. La sira hannu manciatu, e cci hannu datu tutti li chiavi a Tresa; ma chidda di 'na cammara nun cci la dièttiru. La matina comu agghiurnau, Tresa si susíu e s'arrisittò li cammari, manciau, e misi a firriari la casina. Firriannu, trova la chiavi di la cammara chiusa. Dici 'ntra idda: — «Oh! ora vogliu vidiri chi cc'è ccà intra.