(In Livorno, coi tipi di Fr. Vigo 1872, vol. due in-8o). Egli potrà vedere se il Virgilio della leggenda pop. di cui parla nel vol. II, abbia qualche riscontro col nostro, il quale è un mago potente e strapotente.
      LIV.
     
      Lu Diavulu Zuppiddu(69).
      'Na vota cc'era lu Diavulu Zuppiddu, ed era a casa càuda(70). Murevanu omini e tutti javanu a lu 'nfernu; e iddu cci spijava: — «Ora vuàtri omini pirchì vi nni viniti tutti a lu nfernu?» Rispunnevanu iddi: — «Pi causa di li fimmini.»
      Ora lu diavulu, curiusu, dici: — «Mi vogghiu passari na cusiritati(71).» Si vistíu di cavaleri, e si nni vinni 'n Palermu: e si misi a passiari davanti un finistruni e vitti a 'na picciotta ca cci piacíu. Passía, passía, cci piacíu, e cci mannò pi matrimoniu, cu pattu ca la vulía cu la sula cammisa(72); e tuttu chiddu chi vulía supra d'idda, sta picciotta cci l'avia a dumannari mentr'era zita; «e badassi ca ddoppu maritata nun m'havi a dumannari cchiù nenti(73)». Idda cci dissi sì, e lu cavaleri cci fici la gran rubbuna(74), ca idda si putía vèstiri pi tutta la sò vita. Si maritaru, e ddoppu jorna lu maritu si la purtò a lu tiatru. Essennu a lu tiatru, (li fimmini, si sapi!) si misi a taliari l'àbbitu di chista e l'àbbitu di chidda; nni vitti unu ca cci piacíu assai, e idda 'un l'avia; e cci accuminzò a fari la gula nnicchi-nnicchi pi avillu(75). Ma sò maritu cci avía dittu ca 'un cci avía a diri cchiù nenti di robbi...; e idda ammussau(76). Sò maritu cci spijau: — «Rusidda, chi hai ca si' siddiata?» — «Nenti.