— «A cu' ti pigghi? a ssu nudu? a ssu tignusu? Io ti fazzu maritari(268), ma nu nn'hai a parrari cchiù di mia.»
      La Rigginotta, testa dura, si maritau e si ni iju cu lu maritu 'nt'ôn paisi luntanu.
      Doppu tempu si maritau l'àutra soru, e lu Re sò patri 'mmitau a tutti li Baruni. Jamu ca comu lu puvireddu si maritau addivintau bellu giuvini. Ora comu sappi ca la cugnata si maritau, si vistíu e iju ni sò soggiru. — «Cu' è?» — «Io; pozzu trasiri? Pozzu diri 'na parola a Riali Maistà? Io sù vinutu pir pompa(269), o Maistà.»
      Essennu a tavula, cci dici lu Riuzzu a sò jènnaru: — «Riali Maistà, di dda figghia chi maritastivu chi si ni fici?» — «Iu nu ni parru e nu ni spiju cchiù. Si vosi pigghiari un tignusu, e beni cci stia.» — «E a vostra figghia la canusciti?» — «No.» E ddocu leva li setti veli di la figghia, e cci l'apprisenta: — «Chista è vostra figghia; e io sugnu lu tignusu!...» Quannu lu Re vitti stu beddu giuvini s'ha livatu la curuna e cci l'ha misu 'n testa.
      Iddi ristaru pi sempri filici,
      E nui comu li mazza di radici.
      Etna(270).
     
      VARIANTI E RISCONTRI.
     
      La figghia di lu 'Mperaturi (Villabate)
     
      Un imperatore avea una bella figlia, la quale s'innamorò d'un poveraccio, che in fondo era un re. L'imperatore non volle mai accondiscendere a queste nozze, e la figlia fuggì coll'amante. Dopo tempo un altro imperatore tenne un gran convito, e v'intervenne anche la principessa col marito, e il padre di lei, senza che egli la conoscesse. Si fecero de' brindisi, la principessa fece questo volgendosi al padre: