LXXV.
     
      La stivala.
      Cc'era 'na vota un mircanti ch'avia du' figghi: unu mŕsculu e una fimmina. Stu mircanti era riccu, e vulia bčniri a sti figghi quantu la pupidda di l'occhi soi. Cansiddiramu poi la matri!
      Passannu un certu tempu, cadi malata sta matri; lu Signuri si la pigghiau. Ristau lu patri: e misi lu figghiu a li studii; e stu picciottu arriniscíu di gran talentu, ca pigghiava oceddi pi l'aria(391). Ddoppu tanti tempi cadi malatu lu patri, e mori. Comu mori lu patri, arristaru stu frati e sta soru ca si vulianu bčniri comu la poc'acqua. Stu giuvini cu stu gran talentu capitau a la Curti di lu Re di Portugallu, e lu Re si lu pighhiau pi Sigritariu e nni facía tuttu cuntu. Ora succedi ca certi littri chi fici stu giuvini capitŕru sutta l'occhi di lu Re di Spagna; lu Re di Spagna comu vitti sti littri dici: — «Oh! chi bellu carattari! Chistu sarria bonu pi mč Sigritariu;» e scrissi a Re di Portugallu: «Haju liggiutu li vostri littri, e restu maravigghiatu di lu gran carattari di lu vostru Sigritariu; e vi pregu, si tantu l'aviti a piaciri, di mannarimillu a mia pi Sigritariu(392)». Sti Re 'nta iddi nun si dispiacinu; ha pigghiatu lu Re di Portugallu e ha mannatu a chiamari a stu Sigritariu, e cu tuttu lu dispiaciri chi un'avía di livarisillu, cci dissi ca avia a pŕrtiri. Lu picciottu dici a lu Re: — «Maistŕ, com'hę fari ca haju 'na soru e nun sŕcciu a cu' lassalla?» Si vôta lu Re: — «Don Giuseppi, 'un haju chi vi fari, vui aviti a pŕrtiri; a vostra soru la lassati raccumannata a la cammarera; idda ch'č 'na bona picciotta, si stŕ ritirata, e vui putiti dňrmiri cu la manu a la mascidda(393). Lu picciottu nun appi chi fari: ha jutu a la casa: — «Suruzza mia, cc'č chistu e chistu: io hę pŕrtiri, ca lu Re di Spagna mi voli pi Sigritariu.