Pagina (238/388)

   

pagina


Pagina_Precedente  Pagina_Successiva  Indice  Copertina 

      — «Canuzzu miu, tu m'ha' a dari ajutu.» Lu cani cci dissi: — «Vieni appriessu di mia.» Dici la muglieri: — «Va, Re, vieni appriessu di mia.» Si minti lu cani davanti, e iddu appriessu; lu cani arriva primu, e li porta nni lu vecchiu dragu, e cci dici: — «Ancora ccà stati? ca stà vieniennu lu Re cu li truppi ca v'havi a 'mmazzari!» Avianu un puzzu e lu jittaru nni lu puzzu. Arriva lu Riuzzu cu la muglieri e firrianu tutta la casa e trovanu lu scàpulu tuttu addoratu, e tanti dinari, e cosi priziusi; si ficiru carricari tutti li dinari, e li cosi di 'mpurtanza e si nni jeru a la cità.
      Iddi ristaru cuntenti e filiciE nu' a la bracera cu l'amici.
      Casteltermini(589).
     
      VARIANTI E RISCONTRI
     
      Il principio è simile al Sangunazzu di Polizzi, n. LXVI, poi alle Setti tistuzzi di Ficarazzi, n. XCIII; poi alla 'Mperatrici Trebisonna di Palermo, n. XXXI, e ciò per le ricchezze che la ragazza dice d'avere rispetto a quelle del re. Il cane è nè più nè meno che la Gatta di Masino del GRADI. Vedi la novella precedente.
      XC.
     
      Lu Principi e lu Carbunaru.
      'N jornu, signuri miu, si riccunta ca 'n (un) carbunaru cu la sò rètina non facia àutru ca jiri e viniri di lu voscu carriannu carbuni; 'ntantu 'n Principi, mintemu di Napuli, si nni iju a caccia 'ntra stu voscu, e caminannu caminannu si spirdíu di li so' cumpagni, e mentri chi assicutava 'n pezzu di caccia cadíu intra 'na funnissima(590) fossa. Comu lu Principi cadíu ddà intra, ristau spantu a lu vìdiri atturniatu di 'n (un) sirpenti grussùni e di 'n liuni(591), ca paría ca si lu vulía mangiari.


Pagina_Precedente  Pagina_Successiva  Indice  Copertina 

   

Fiabe novelle e racconti popolari siciliani
Volume Secondo
di Giuseppe Pitrè
pagine 388

   





Riuzzu Sangunazzu Polizzi Setti Ficarazzi Mperatrici Trebisonna Palermo Gatta Masino Principi Carbunaru Principi Napuli Principi