» Una senese è in GRADI (La vigilia di Pasqua di Ceppo): La principessa Salimbecca e il principe Carbonajo; una livornese, ove però mancano molte circostanze, e specialmente quelle relative alle umiliazioni inflitte alla figlia del Re di Parigi, in KNUST (Italienische Volksmärchen) n. 9: Der Königssohn als Bäcker (Il figlio del re fornaio). Una bolognese nelle Nov. pop. bol. della CORONEDI-BERTI, Brisla in barba.
      Il Köhler cita a questo proposito la novella di LUIGI ALAMANNI sulla Contessa di Tolosa e sul Conte di Barcellona, che è appunto la nostra. Vedi Sicil. Märch; vol. II, pag. 216-17.
      CVI.
     
      Lu Re.
      Si riccunta e si riccunta ca 'na vota cc'era un Re. Stu Re avía tri figghioli ed eranu màsculi. Cci dissiru: — «Papà, si vulemu(772) jiri a guàdiri lu munnu; vulemu 'na pocu di dinari.» Lu patri cci li detti e iddi si nni jeru nn'ôn voscu. Dici unu di li frati: — «Picciotti, âmu a dòrmiri un pizzuddu l'unu; ma 'n fazzi chi veni 'n corchi armalu, corchi(773) cosa chi nn'ammazza.» Dici n'âtru: — «'Nca durmemu un pizzuddu l'unu, comu voli Diu.»
      'Nca primu durmíu lu nicu e lu mizzanu, e ristau lu granni. Cci iju n'armali cu du' testi. Quantu 'gghica(774), lu picciottu lu vitti, e dissi: — «Signuri, 'un faciti arrispigghiari a li me' frati!» Quanto agghica l'armalu, pigghia li sciabuli, li cuteddi, e l'ammazza. Cci tagghia li lingui, si li metti 'n sacchetta, e si càrrica 'n coddu l'armalu ammazzatu, e lu va a jetta luntanissimu. Comu lu va a jetta luntanissimu, chiamau a lu mizzanu; dici: — «Susi, susi, chi jeu assai havi chi sugnu susutu.