»
      Curri e va a chiama la Giustizia, dicènnucci: — «Signuri mei, curriti prestu, a ca haju li sbannuti dintra!» Subitu nesci la Forza, li surdati furrïanu la casa, acchiappanu tutti ddi sbannuti, li 'mmùrdunu beddi puliti e a lu 'nnumani li vastaru tutti(807).
      E accussì Mastru Juseppi si livò di lu coddu a tutti ddi latri, e lu Cavaleri iju pri vàttiri e fu vattutu.
      Iddi arristaru filici e cuntenti,
      E nuàtri ccà senza nenti.
      Termini-Imerese(808).
     
      VARIANTI E RISCONTRI
     
      Una lezione meno circostanziata leggesi nelle Sicil. Märchen n. 79: Die Geschichte von den zwölf Räubern (La novella dei dodici ladri) ove però manca l'ultima parte relativa al matrimonio del capo-ladro, la quale a proposito di ladri si riscontra in altre novelle nella presente raccolta come ne' Tredici Sbannuti, vol. I, n. XXIII. GONZENBACH, vol. II, pag. 197 offre una variante in dialetto di questa novella: Lu Cuntu di li dui cumpari. Vedi la nota del Köhler a pag. 251, vol. II. Tradizioni relative a tesori incantati sono nella presente raccolta sotto i titoli Santu Conu, La Muntagna di la fera, La Rocca d'Antedda e Lu bancu di Ddisisa, ecc.
      CIX.
     
      La Morti e sò figghiozzu.
      Si cunta ca 'na vota cc'era un maritu e 'na mugghieri, e cci nascíu un figghiu; stu figghiu l'avìanu a fari vattïari, e 'un sapianu di cui. Passa oj, passa poi, lu picciriddu avía se' anni. 'Na jurnata lu Signuri, cci mannò S. Petru pi vattiallu; ma lu patri 'un lu vosi accittàri, pi compari, cu diri ca si lu vattïava, S. Petru si lu purtava subbitu 'n Paraddisu, a lu picciriddu.