Et pour le grant chault que j’avoye, descendis je a celui point devant une [270] fontainne, et ostay mon heaulme, et pendi mon escu a ung arbre, et beü de l’eave(885) tant comme il me pleüt. Et quant j’eü bien beü, je m’endormy tout maintenant.(886)»
      «Quant li mauvais, li couars, li honnis, qui de coste moy estoit eneores, veït(887) que je m’endormoie en telle maniere, si ne fist autre demourance,(888) ainçois il osta tout maintenant son heaulme de sa teste, et si print le mien et le mis en sa teste. Et puis print mon espee, que j’avoie mise de coste moy, et la saingnit, et me lessa la sienne; et me lessa son escu et emporta le mien; et monta sur son cheval, que j’avoie le jour chevauché, et le mien me lessa ataché a ung arbre(889).... Et li mauvais, li chetifz, quant il fu garnis de mes armes en celle guise comme je vous ay conté,.... se mist en chemin tout maintenant, si s’en retourna la voie que j’estoie venus. Et quant il fu issus(890) de la forest, il n’eüt mie granment chevauché, que il encontra le roy de Norhombellande, qui alloit querant celui chevalier qui le tournoiement avoit vaincu.(891) Et tout erraument que il vit le couart, le mauvais, pour ce que il portoit mes armes, cuidoit(892) trestout certainement que se fust il sans doubte celui qui le tournoiement avoit vaincu; ainsi cuidoient trestous ceulx qui adonc l’avoient veü. Et li roys s’en alla a lui tout droitement, et le receüt a tel bonneur, comme se ce fust li roys Uterpandragon mesmes.(893) Et li roys li commença a dire que il estoit ceans, et le apreser(894) moult durement, et lui pria que il se venist heberger en son hostel.