A l’endemain, que li jours apparut, je trouvay pres moy mon cheval ataché a ung arbre, qui toute la nuit n’avoit mengé; et trouvay l’espee du mauvais chevalier, et le heaulme, et l’escu; si me commencay adonc a merveiller durement, pour quoy il m’avoit lessés ses armes en telle maniere.(902) Et quant je vy que je ne pourroye mes armes avoir, je prins les armes de lui, et montay sur le mien cheval,(903) et dis a moy mesmes que je m’en iroye tout droit au chastel de Landemore; car bien m’estoit advis que illecques trouveroye je ma damoiselle, que j’amoie de tout mon cueur, et le chevalier mesmes, de qui estoient les armes dont j’estoie armés.»
      [272] «Tant chevaulchay, puis que je me fu mis a mon chemin, que je vins au chastel de Landemore.»(904) Là vede con stupore che si porta in trionfo il suo scudo. Chiede dove sia il cavaliere che lo aveva al torneo, e si sente rispondere, che è su nel castello, col re di Norhombellande. «Quant je entendi ceste nouvelle, adonc apperceüs je la mauvaitié du chevalier;(905) si ne savoie adonc que faire; car ma damoiselle, que je encore trop amoye de tout mon cueur, ne laissasse pas trop volentiers. Et quant je y eü longuement pensé sur ceste chose, je dis adonc a moy mesmes, que ores m’en yroie-ge vers la forteresse, a savoir se je veisse mon compaignon en nulle maniere. Et quant je fu venus dessus la maistre forteresse, je vy adonc tout appertement que le roy de Norhombellande estoit apués(906) en une fenestre de layens(907); et de coste lui estoit li tres-mauvais chevalier, a qui il faisoit tant d’onneur et de courtoisie, tant comme il povoit.