Che il Collegio deputà ai presonieri sia provisto in modo si debano redur et mudar l’hordine.
      Che siano electi V Savij sora i statuti et leze di justicia, qual sia azonto al statuto.
      Che quando muor episcopo o altro digno prelato si fazi la balotazion in Pregadi di ricomandar chi vorà il Senato al Papa, come sempre questo Stado ha consueto di far.
      Che a le porte di Padoa e Treviso siano electi nobili.
      Che sia mandà in Cypro 100 nobili e darli intrata.
      Che sia fati 30 canonici nobili a la chiexia di S. Marco, con ducati 200 per uno da esser trati di beneficj grassi dil Stado.
      Che li preti et frati pagino do decime a l’anno, perse, per l’Arsenal.
      Che si debbi proveder a li nobeli poveri.
      [85] Che si metti in consulto di levar il dazio dil vin.
      Che il dazio di la spina, non si levando quel dil vin, sia incantà col dazio grando, e incantar le hostarie.
      Che li VII savij siano per 6 mezi, et si cavi solum 7 per volta.
      Che a li XX savij li prescidenti siano cavati per tessera.
      Che, per le contrade, li fachini, stanno lì, siano ubligati a far nette le strade di quelle contrade.
      Che li medici pagino decime de loro intrade come li altri.
      Che li medici siano balotadi in Senato justa il rito antiquo.
      Che il zuoba di la caza, oltra la festa si fa, si spendi ducati 50 dil publico in far feste etc.» Che si conzi la casa di la Signoria, fo da cha Corner a s. Samuel a pepian, dove sia deputà a far feste publiche.
      Che per li conti di spicieri sia fata una tarifa di anno in anno di quel pol valer le medicine, e deputar chi le vendino, e non loro spicieri che se le danno di man in man.