Pagina (9/756)

   

pagina


Pagina_Precedente  Pagina_Successiva  Indice  Copertina 

     
      Nel consejo di pregadi a dì 20 zener fu preso, atento che Hironimo Contarini era provedador di [11] l'armada nostra a Napoli et mal accepto al re, che dovesse ivi andar Bortolameo Zorzi l'altro proveditore stava in l'Arzipielago, el qual in quelli zorni era venuto a Corfù a far biscotti. E che solo con la sua galia et con quella di Zuan Francesco Venier soracomito vi andasse a Napoli al governo di quella nostra armata, la qual stava malissimo in hordine, et ne era molti de amallati et assà morti: et che dicto Hironimo Contarini provedador, subito zonto lì el Zorzi, dovesse partirsi con una galia solamente e vegnir a Corfù, et ivi star con la galia dalmatina. Et cussì in quella sera fo expedito uno gripo con lettere a Corfù al prefatto domino Bortolameo Zorzi.
     
     
      Conclusione di l'accordo fatto in aiutar re Ferandino
     
      Havendo longamente pratichato li oratori di re Ferandino con la Signoria nostra, videlicet li tre deputati d. Joanne Morexini consejer, d. Alovisio Bragadin savio dil consejo et d. Laurentio di Prioli savio da terraferma, di haver ajuto a discaziar francesi dil reame che pur erano potenti et non picolo numero ivi rimasti, et non potendo scaziarli senza il socorso di venitiani: unde dicti oratori fece ogni demostratione pregando nostri non volesse abandonar esso re in questa adversità, et cussì, a dì 20 zener, el zorno di S. Sebastian, nel consejo di pregadi fo preso di concluder li capitoli, li quali la matina seguente fono sigilati et sarano sotoscritti. Et che nostri li daria socorso di 700 homini d'arme et 3000 fanti, e di l'armata spendendo fin a la summa de ducati 200 milia.


Pagina_Precedente  Pagina_Successiva  Indice  Copertina 

   

I Diarii
Tomo I - parte prima
di Marino Sanuto
Editore Visentini Venezia
1879 pagine 756

   





Hironimo Contarini Napoli Bortolameo Zorzi Arzipielago Corfù Zuan Francesco Venier Napoli Hironimo Contarini Zorzi Corfù Corfù Bortolameo Zorzi Ferandino Ferandino Signoria Morexini Bragadin Prioli S. Sebastian