Molto importa la celerità. El signor Prospero era a Nocera di Puja. Si dice ritornerà a la majestà dil re. El signor Fabricio die esser con el signor principe che è pur a Sessa, dove se è scoperto tradimento et ne sono [46] stati presi alquanti. Se sua signoria non era lì, quella terra si voltava. È morto messer Franzino Pastor, ché tuti li capi valenti et fioli di mar quest'anno sono manchati.
     
     
      Sumario di lettere di Hironimo Contarini proveditor di l'armata a Napoli,
      de dì 13 fevrer.
     
      Scrive li successi dil signor Virginio Ursino e di viteleschi del sachezare di Montelton, et dubita farà dil mal assai, maxime tardando li soccorsi de la nostra illustrissima Signoria, li quali voria che fosseno più potenti per non mettere le cosse di puncto. E tanto più che, novamente, inimici di Gaeta da numero 1500 hanno passato el Garigliano, per ben che 'l signor don Federico mandasse fanti 300 per ostar che quelli non passasseno, et essendo soprazonto uno Federico de Monforte monstrandosi essere ragonese, offerse fanti 150 et fu per li nostri acceptati, et avicinatossi quelli cridò Franza, Franza, adeo che li nostri se afugono et li inimici passono. Et la rocha di Vandro et algune terre del signor Alvise Galluzo rebellò et levò le bandiere di Franza, e dicti inimici andavano verso San Germano, e tiense se unirano con le zente d'arme, che invero se sta con qualche dubietà i non procieda più di quel se voria. Et seria bene se fesse ogni sforzo per schatiar ste gente per la liberation de tutta Italia, e tanto quanto più se tarda, se farà pegio.