Pagina (64/756)

   

pagina


Pagina_Precedente  Pagina_Successiva  Indice  Copertina 

      Poi la mattina si partì e andò a Ferara, et hessendo in quelli giorni manchato el vescovo di Ferara chiamato (Bartolammeo) dal Rovere, che era fratello dil cardinal san Piero in Vincula et dil prefeto di Senegaja, el ducha voleva dar ditto Vescoado a questo cardinal suo fiul, et scrisse al pontifice. Etiam el ducha de Milano scrisse in sua recomendatione; ma el pontifice lo dete al cardinal Monreal suo nepote, per la qual cossa il ducha non volse dar il posesso, onde seguite alcune excomunicatione a li canonici del domo. Tamen, quello seguite da poi; più avanti sarà scripto.
     
      [1496 02 18]A dì 18 ditto, nel consejo di pregadi, havendo la majestà cesarea ordinato di far una dieta a Franchfort, et Zacaria Contarini cavalier orator nostro a presso soa majestà dimandando licentia di repatriar, fu messo parte di elezer orator a sua majestà, con conditione andasse a la dieta, et poi rimagnesse in loco dil Contarini. Et cussì fo electo Francesco Foscari, era stato di pregadi, fo di domino Alovisio nepote olim dil reverendissimo cardinal Sancti Nicolai inter imagines, che l'anno 1485 a Roma morite, el qual tunc era uno di tre proveditori sopra la camera di imprestidi. Questo, licet altre volte refudasse la legatione di Hungaria, tamen questa, vedendo li urgenti bisogni di la republica, acceptoe, et poi non seguite la dicta dieta, unde andò di longo a trovar la majestà dil re di romani, e con soa majestà restoe oratore.
     
      [1496 02 19]A dì 19 fevrer, dapoi disnar, si partì di questa terra Paulo Capelo cavalier electo orator a Napoli, et andoe per aqua fino a Ravena, dove lì zonto aspetoe el signor marchexe di Mantoa, el qual, a dì 22, partì di Mantoa et fece la volta di Ferara con la sua conduta di zente d'arme et col stendardo dil [50] patron nostro San Marcho, et nel passar cridavano Marco, Marco, et feraresi cridava Franza, Franza, et el ducha di Ferara lo accompagnoe fino al burchio dove montoe per aqua andando a Ravena.


Pagina_Precedente  Pagina_Successiva  Indice  Copertina 

   

I Diarii
Tomo I - parte prima
di Marino Sanuto
Editore Visentini Venezia
1879 pagine 756

   





Ferara Ferara Bartolammeo Rovere Piero Vincula Senegaja Vescoado Milano Monreal Franchfort Zacaria Contarini Contarini Francesco Foscari Alovisio Sancti Nicolai Roma Hungaria Paulo Capelo Napoli Ravena Mantoa Mantoa Ferara San Marcho Marco Marco Franza Franza Ferara Ravena