Illustrissimo et potentissimo domino Augustino Barbadico duci Venetiarum etc. tamquam patri nobis colendissimo.
     
     
      Sumario di lettere dil consolo de Napoli nostro, date a dì 3 marzo 1496.
     
      Come, per lettere dil illustrissimo signor principe da Thiano, havia come el proveditore de stratioti, rechiesto de 100 cavali, li fecino movere tuti, quali andavano per quelle montagne come per piano. Presero et sachizorono luoghi tre; tagliorono a pezi circha 40, et altrettanti ne presero, et fecero butino de ducati 2000 et più. Doveano andare el zorno seguente a Petra Molara. Li nimici erano spaventati, et non haveano altra speranza se non in el signor Virginio, quale si sentiva ritornava a retro anche lui impaurito.
     
     
      Sumario di lettere di 4 ditto.
     
      Come, per alcuni scapolati de una saitia che veniva da Messina rota a la ponta del Molo, si havia inteso come lassorno a Melazo el magnifico misier Bortholomeo Zorzi provedador di l'armada, che veniva a Napoli.
     
      [66]Sumario di lettere di 5 ditto.
     
      Come lo illustrissimo principe era ritornato in campo, et se diceva andava a Petra Molara, et li stratioti doveano venire in campo da la majestà dil re, quali haveano posto in paura li nimici per tuto.
      Item, che era stà ditto che le zente regie, che erano in Calabria, se ne venivano verso Napoli, et che erano alla Rotonda, et però pareva che 'l principe di Bisignano voleva andar verso i suoi luogi, et cussì, dove prima cerchavano de unirse, hora se divideano.
     
     
      Sumario di lettere di 6 ditto.
     
      Come la majestà dil re era cavalchata quella matina per tornar in campo, et che 'l parea che li nimici voleano esser ad Ariano, ch'è el camino de Puia, et che 'l principe de Bisignano et lo conte de Loria voleano andar a li suo' luogi in Calabria.