Pagina (119/756)

   

pagina


Pagina_Precedente  Pagina_Successiva  Indice  Copertina 

     
     
      [1496 03 19]A dì 19 ditto, el re tornò in Augusta, et andò a Teling, mia cinque todeschi luntan de Birt, et fo devulgato esser morto el ducha Zorzi di Baviera, tamen poi si have nova non esser la verità.
     
      [1496 03 26]A dì 26 ditto, domino Gaspar Mech, designato orator al re di Hungaria, partirà fra do zorni, et cussì partirà per le diferentie tra el ducha Zuan Corvin et el conte Stephano de Transilvana, intervenendo el matrimonio de la fia del conte Bernardin de Frangipanibus, contrato novamente con ditto ducha Zuane.
     
      [1496 03 30]A dì 30 ditto, la diete di Olmo, tenute per quelli di la liga di Svevia, è finita con bona resolution zercha exation de danari.
     
      Item, come si havea nove de Ingilterra che, per le novità dil ducha di Jorch, era nasuta inimicitia di quel re con l'archiduca Philippo, et che per l'andata de monsignor di Beure sono reconciliati, et hano concluso nova pace, et che soa majestà ha donato al dicto orator uno contado in Anglia.
     
      Ancora, come li oratori dil re di Franza erano stati lì per dimandar sussidio de danari e zente, et li è stà denegato. Hano rechiesto nova retificatione de pace del 1492, e sono stà expediti con bone parole. Partirono malcontenti.
     
      Item, come el ducha di Jorche era andato in Scocia acceptatovi dal re, con promission de ajuto e favori contra el prefato re de Ingilterra.
     
     
     
      Sumario di lettere di Zuan Filippo Aureliano vice collaterale,
      scrite a l'orator a Roma,
      date a dì 24 marzo in Rocha Monfine.
     
      Come, a dì 16, Bernardo Contarini proveditor era partito con quelli pochi stratioti havia, et levati quelli erano a Tiano con el principe era andato dal re, et ivi era rimasto el Grasso capitano con li provisionati a obedientia dil prefato principe, el qual intendeva expugnar Marzano, Concha, Thora et Galluzo, loci circonvicini da doi fino 5 mia.


Pagina_Precedente  Pagina_Successiva  Indice  Copertina 

   

I Diarii
Tomo I - parte prima
di Marino Sanuto
Editore Visentini Venezia
1879 pagine 756

   





Augusta Teling Birt Zorzi Baviera Gaspar Mech Hungaria Zuan Corvin Stephano Transilvana Bernardin Frangipanibus Zuane Olmo Svevia Ingilterra Jorch Philippo Beure Anglia Franza Jorche Scocia Ingilterra Zuan Filippo Aureliano Roma Rocha Monfine Bernardo Contarini Tiano Grasso Marzano Concha Thora Galluzo