Sumario di lettere dil Capello, date a dì 15 et recevute qui a dì 27 ditto.
     
      Ozi, el marchexe è zonto qui, e doman serà le [178] zente sue. Eri hebbe Pando castello de' inimici a pati, ch'è stato assai haverlo auto, per il sito e forteza sua. De li nimici, nula si sente. Fra do zorni a la più longa, ussiremo in campo con il re. Son stato contra il marchexe etc.
     
     
      Littera di 16 ditto; ricevuta ut supra.
     
      Come intenderemo inimici vadino verso Terra di Lavoro, se leveremo per andar a San Bortholamio, per conzonzerse con le zente dil signor di Pexaro.
     
     
      Littera di 18 da Nocera dil ditto, ricevuta qui a dì 28 mazo.
     
      Li inimici eri ebbe Petracatello castello fortissimo a pati, salvo l'aver e le persone, e tuto lo resto a sacho, el qual era ben fornito di fanti e in sito fortissimo. Da matina per tempo, il provedador di stratioti, con il signor Prospero Colona, cavalcha con li stratioti e ballestrieri e altri cavali lezieri a san Bartholamio, per conforto di quella terra e altri luoghi circumvicini, quali sono spaventadi per la perdita di Petrachatino. Diman il re insirà in campo con il marchexe e tute altre zente. Farasse uno alozamento verso inimici mia 8. Si aspecta el signor di Pexaro.
     
     
      Lettera di Bernardo Contarini a dì 19 ditto in Ongera.
     
      Sono stato occupato in far la mostra de li stratioti, et ho convenuto cavalcar a Troja a far la mostra di provisionati, i qual non ha voluto levarsi di Troja senza danari. Pagai li compagni vechi 450, poi 80 che son n.° 530. Manchò 120 nuovi, in tuto 650. In tuto serano provisionati 730. La majestà dil re mi ha mandà a dir, et cussì il capitano nostro, che a dì 18, la matina, andar dovesse con tutti li stratioti e ballestrieri a cavalo, quanti se ne trova, a la volta di San Bartolamio de Gualdo vezino a li nimici mia 8, per favorir dicto loco.