Et cussì 2 mexi ebbeno li dicti danari, et si reparono da' fiorentini, et mantenivano li passi da poter mandar di qui a Pisa.
     
      Ancora in dicto mexe, fo mandato a Pisa Hironimo Colla fo cancelier di Rossi, et Nicolò Stella di Verona vice colateral a Udine, per cosse acadevano a la Signoria. Et non restarò di scriver come fo divulgato che Zustignam Morexini provedator a Pisa prestoe ducati 400 a Lucio Malvezo, et 100 ducati a uno altro acciò desseno danari a le lhoro zente, et cavalchasseno a far qualcossa contra fiorentini, perché si scusavano di non haver danari. Et inteso questo da' nostri, fo molto biasemato etc. Tamen poi rehebbe li danari prestati, et pur fu facto Domenego Dolfin per compagno, chome ho scripto di sopra. Era per il ducha di Milano questi condutieri a Pisa, oltra Lucio Malvezo che haveva nome dil lhoro capitano, zoè el conte Lodovico di la Mirandola fiol dil signor Galeoto con cavali 50 lizieri, Zuam Francesco Bocalin, Zuam di Galara, et Francesco Visconte.
     
     
      Capitula inita inter serenissimum regem Ferdinandum Siciliae regem,
      et illustrissimum dominum Gilibertum comitem Monpenserii
      vicarium regis Franciae, apud Atellas.
     
      I capitoli, pacti et convention initi et firmati tra la majestà del signor don Ferando secundo, per la divina gratia re de Sicilia et Hierusalem etc. ex una parte, et lo illustre monsignore Giliberto conte de Monpensero, vicario et locotenente generale de la cristianissima majestà del re de Franza nel regno de Sicilia, et lo illustre signor Virginio Ursino capitaneo de dicta majestà, e per tutti li altri signori et capitanei et soldati, tanto da pede come da cavalo, che sono dentro d'Atella de l'altra parte.