Item, è convenuto che se debia per lo signor re assegnare lo loco dove le preffate gente, che sono a l'Atella, possano andar ad sacomano per strame de loro bestie, et che possano haver ad sufficientia. Cum li qual sacomani possano mandar 20 in 40 cavali per le guardie, et ancho la majestà sua mandarà alcuni dei soi per conservation de quelli. Et se alcuni ne fossero pigliati, li farà restituire, et serano castigati li delinquenti, ad arbitrio di conservatori, et e converso.
     
      Item, è convenuto che non possano praticare in altre terre et lochi, ni cum altre persone, excepto per condure le dicte victuarie come è ditto di sopra; né possano recever danari di fora senza saputa et consentimento del signor re, non intendandose però de li danari farano vegnir alcuni particulari per poter viver, li qual li possano far venir liberi, et securi per el comune fine aducere ... milia ducati o scudi d'oro con saputa del signor re.
     
      Item, che non sia licito al preffatto monsignor de Monpensier, né a li altri, recever, né far venir a l'Atella alcune gente di guerra, né de Abruzo, né de Puglia, né de Calabria, né de altra parte del reame, si non algune gente spezate et che havesero lasati amalati o in alguno castello, che, in tutto, non habiano a passare lo numero de 50 francesi, 50 italiani, 50 alemani et sguizari.
     
      Item, che, finiti li dicti 30 dì, non essendo venuto socorso de Franza o da altra parte de fora del reame, tale e tanto che sia signor de la campagna, che possa star a fronte in loco paro et piano, senza fortificarse né far alcuna natura de riparo che presentando le bataglie al signor re per uno dì, se ne habiano andar in Franza et fora dil regno et a le case loro, con tute le gente che sono al presente in l'Atella et che sono per tutto lo reame a li stipendii del re de Franza, di qual se voglia natione.