Et si doveva trovar el ducha di Urbino, et el signor Fabricio Collona, et andar ad aquistar tutti li castelli et stato dil signor Virginio Orsini et altri Orsini, a la qual cossa el pontefice metteva ogni diligentia. Le qual zente andono prima a campo a l'Anguilara, et qui sarą scripto uno sumario di una lettera, di le cerimonie fo usate in questa consignation fata a Roma.
     
      Come, a dģ 26 octubrio, habiando deliberą el summo pontifice di tuor tutto el stado de li Orsini, fu cantata messa in dito zorno papale in San Piero, et el ducha di Gandia fiol dil papa et fratello di don Zufrč principe de Squilazi et zenero che fu di re Alfonxo, zoveneto, in mezo dil ducha Guido di Urbino et el signor Fabricio Colona, in trono in capella con gran pompa, con trombe, tamburi etc. el papa benedģ tre stendardi, di la Chiesia, di esso papa et il terzo con l'arma dil ducha di Gandia, et quelli dete al dito suo fiol. El qual ducha uno stendardo dete a Idalgo gentilomo spagnolo, uno a Mossen Alegro, l'altro a uno ytaliano. Poi deteli uno baston bianco come capitano di la Chiesa, et con gran comitiva ussite fuora, et vene zoso di palazo, et a' pič di la scala era preparate le cavalchature coverte di veludo negro per il corotto di re Ferando. Et montati tutti a cavallo, con le fanterie, lanze longe, e balestrieri, e schiopetieri, et homeni d'arme, con gran triumpho feceno tre ziri intorno la piaza di San Piero, e ussiteno fuora di la porta di San Piero. Et eodem fere instanti, el cardinal de Luna, deputato legato a questa impresa di Orsini, con molti cavali seguite el capitano preditto fuori, acompagnato da assą cardinali.