Item, che esso signor ha 7 figlioli maschii, de li qual el terzo in etą ą grandissima speranza di succieder nel regno, et ha la inclination de tutti, el qual habita a la Foja, una zornata e meza lontan da Constantinopoli. El primo fiol č al Caraman; el secondo in Natolia; el quarto in Trabesunda; el quinto a Caffa; el sesto a Nicomedia; il septimo in Gretia.
     
      Item, el Signor ha anni 51 (sic). La intrada soa era ducati 3 milioni in erario, et al presente ducati 2 milioni et 500 milia. Le expese č quel medemo. De potentia maritima ha et pol far, tra galie, fuste, barze e pallandarie, in tutto velle 250. L'exercito terestre, 40 in 50 milia cavali, li qual son subiti per li 60 capitanii ordenarii che tien, et ditto numero di cavalli pol far senza dar angaria né altra spexa.
     
      Item, ha pocha obedientia da li gianiceri, et si dimostra, perché el vene rixa tra li zenthilomeni di la Porta et dicti gianizari, et hessendo brusą alcune caxe di ditti nobeli, li bassą li dispiacete tal cossa lamentandosi al Signor che provedesse, che ditti nobeli erano stą da li gianizari robati etc. Et che fino a caxa di uno bassą era andati, e scalato la caxa, si non havesse fugito, lo arebeno morto. Et dimostrando el Signor voler proveder, acadete che, ritornando esso Signor in hora di matutino dil suo seragio, ditti gianizari li andono contra et domandono certa gratia, la qual la ebbeno, dubitando el Signor di lhoro. Et questo feceno studiose, per provar si el Signor fusse inanimato contra di lhoro.
     
      Item, che ivi si faceva 2 gran barze, et erano quasi compide.