Item, che, inteso per lettere di Milano la morte dil re Ferando, era contento succedesse nel regno don Fedrico, et che per ben de Italia, dapoi che Maximiliano era de qui in Italia, saria bon tegnirlo et procurar fiorentini intrasseno in la liga.
     
      Item, che Francesco Capelo cavalier orator nostro era partito per vegnir a Barzelona, over a Valenza, per montar su le galie nostre di Barbaria, et havia abuto do mulle dal re, con excusatione se più non dava per le incomodità habute per le continue spexe, et che con esso Jacomo Contarini era rimaso il secretario dil Capelo Francesco Aurelio.
     
      Item, che il re di Franza havia pessimo animo a Spagna, el regno di Napoli et la Signoria nostra; ma a la Chiesia et Milan no, perché dice aver bona [431] paxe maxime con Milan; et che l'avia rizerchà di far paxe con quelli re et lhoro. Non haveano voluta se non a pace universal, a la qual Franza non havea voluto responder, ma havea licentiato el frate e l'altro orator yspano, dicendo che, se non haveano mandato particular di concluder con Yspania sola, erano mezi oratori, e con questo licentiò.
     
      Item, che Franza mandava monsignor de Clarius in Spagna orator per concluder, posendo, qualche acordo, per poter poi atender a l'impresa italicha. Tamen, che li reali erano ben disposti di non far paze ni trieva se non universal, et perhò tutta la liga facia il dover. È da saper che ditto Jacomo Contarini in Portogalo era stà da quel re ben veduto, et habuto le spexe. Et in camino, nel ritorno per vegnir ai reali, a certo loco nominato Guadagios di l'orator yspano residente in questa terra, videlicet don Laurentio Suaris de Figarola, che la dona sua li andò contra et li dete alozamento, e fatoli le spexe con gran chareze, offerendosi ad majora.