Item, per le discordie de' Fieschi con Adorni, aver posto bon ordine che domino Joanne Alvisio dal Fiescho se atendea a Recho, dove se dovea trovar i oppositi per adatarse.
     
      Item, che havendo a venir i nimici a la volta di la Riviera di ponente tolendo la volta di Brianzona, sperava non haveria effecto i lhoro disegni, per la penuria, et per esser a Vintimilia et al marchexado del Fin provisto.
     
      [437] Item, haver provisto d'armar, acadendo, de certe nave erano lì in porto, interim se atendea a l'armata se aspeta dil regno con le 9 galie dil re di Napoli.
     
      Item, dil zonzer e ritornar lì dil cardinal Santa Croce legato et oratori di Como, quali erano stati con Maximiano, qual parea tenisse la volta de Alemania, quamvis tutti i preditti havesseno exortà el restar de qui di ditta cesarea majestà, etiam el ducha per lettere; quale havea risposto voler andar a Lyndò per esser a quella dyeta, non havendo parso a ditti principi transferirse a Como, come fono rechiesti, né a Clavena, et esser cito reversurum.
     
      Item, che 'l ducha era stà fin a caxa di esso orator nostro et stato in coloquii, al qual comunicò la deliberation fatta per la Signoria nostra per i avisi et apparati contra Zenoa, et che summo opere comendò, et volse tutto replicato fusse coram i oratori confederati; et etiam lui replicò le provision fate per lui ut supra, inferendo haver immortal obligation a questo stado, qual al continuo non mancha per el comodo et conservatione sua, sperando de Zenoa omnia bene procedere, perché, poi è al governo di Milan, non havia mutà stado.