Pagina (631/756)

   

pagina


Pagina_Precedente  Pagina_Successiva  Indice  Copertina 

      Ben, pregava statim fosse expediti i subsidii promessi etc. De Pisa, par non si curava provederli, maxime andando florentini recuperando quanto haveano perso.
     
      Item, aver scrito a Furlì in bona forma, et credea quella madama non fusse maridata in Zuam Medici, né procurasse favorir fiorentini, et di la vendita de' formenti fata a fiorentini, esser stà per poter scuoder certe sue zoie impegnate in mano de' fiorentini.
     
      Item, per i avisi superior, come zente francese venivano mal in hordine et con pochi danari, et che la spexa presente si facea per San Piero in Vincula.
     
      Item, che dovea esso ducha di Milan proveder al castello de Novi zonto l'aviso del desender zente di Aste, et cussì poi fece.
     
      Da Pisa, de 19, 20, 21, 22. Da Vicopisano, da li proveditori, de l'ingrossar de i nemici de homeni d'arme 350, fanti 3 in 4 milia; strenzeano Sojana et Morona et non li voleano tuor a patti. Poi dil perder de li dicti, e de la provisione fatta di custodir tre luogi, Vicopisano, Cassina e Buti, e poi la Verucha, di quali dubitavano per esser impotenti non poter guardarli, maxime hessendo senza fanti, et tutte zente d'arme esser levate, zoè domino Annibal Bentivoi con la compagnia, et Zanon da Colorno contestabele, quamvis li fusse protestà.
     
      Item, che 'l signor marchexe Cabriel Malaspina [438] era per andar a Fiorenza per adatar le cosse sue non posendo plui resister per penuria de vituarie, et non essendo socorso de pressidii nostri, quam vis requisiti da lui.
     
      Item, li capi dil campo nimico erano Etor Bajone et conte Ranuzo da Marzano, et 400 francesi.


Pagina_Precedente  Pagina_Successiva  Indice  Copertina 

   

I Diarii
Tomo I - parte prima
di Marino Sanuto
Editore Visentini Venezia
1879 pagine 756

   





Pisa Furlì Zuam Medici San Piero Vincula Milan Novi Aste Pisa Vicopisano Sojana Morona Vicopisano Cassina Buti Verucha Annibal Bentivoi Zanon Colorno Cabriel Malaspina Fiorenza Etor Bajone Ranuzo Marzano