Dimandoe auctorità di perseguir contra lhoro de exilio de terre e luogi etc. maxime a uno dete taja, vivo o morto. Insuper, quel populo, non contento di la subjecione, per haver inteso che 'l re havia abuto molesto lhoro avesseno mandato li syndici de qui, li qual però non fono exauditi, et che li parea non esser ni nostri ni regii, et che, nel retegnir di capi, fo cridà: arme, arme. Tamen, non seguì altro. Et li fo concesso licentia di dar taja.
     
      [1497 01 07]A dì 7 ditto, vene lettere di Pisa di ultimo dezembrio da Francesco da la Zuecha secretario nostro. L'exercito fiorentino alozato a le coline con ruina de ditti populi. Haveano comandato artelarie tra Pontadera et Ponte de Sacho. Non sapeva ad quid.
     
      Item, che li proveditori, volendo far la cernida di 300 stratioti, se reduseno ditti stratioti a rumor, dicendo veniva tolti quelli non se havia trovà a l'imprese, et che li capi erano levati, et cavalchavano verso Pontremolo. Et Zustignan Morexini proveditor nostro lì era andà driedo.
     
      Item, quella terra trovarse in desperation vedendo le forze nimiche valide; et non havendo né recolto, né seminato, dubitano restar in penuria, maxime convenendo sovenir le zente d'arme. Et se non fosse zonte le 2 nostre galie in Foza, non spereriano da mar subsidio de vituarie, perché a Liburno fiorentini teniano in hordine certi navilii per obstar a chi conduceva vituarie a Pisa. Et perhò dicti pisani se recomandavano a la Signoria nostra.
     
      Da Zenoa, di 1.° et 2, di la reconciliatione di domino Joanne Alovisio dal Fiesco, et era intrato in [456] Zenoa e stato insieme con domino Agustino Adorno governador, et che hora judicavano sariano le cosse secure.