Domino Baptistino e lui doveano partir con fama per andar a Saona, dove era drezata parte di l'artelaria: e 'l resto cargato restò in Aste.
     
      Item, che 'l Traulzi dovea far spalle a domino Baptistino qual andava a Zenoa, et fra do zorni il ducha d'Orliens si aspectava, e San Piero in Vincula dovea star per qualche dì in Aste, poi andar verso Saona non aspetando Alfonso Greco. El ducha dimandò che la Signoria nostra tenisse in ponto le zente d'arme e spingerle ai confini, acciò fosseno preste, perché se non con urgentissimo bisogno le rechiederia al passar sul suo stado.
     
      Item, come per uno exploratore di Monferà si [477] have, San Piero in Vincula haver concluso andar a la volta di Zenoa. Partiva in quel hora, a dì 18 dil mexe, 120 vasconi, e la note avanti erano partì alemani 100. Ballestrieri dil Traulzi erano per partir, et esser stà concluso che San Piero in Vincula andasse verso Saona con 120 homeni d'arme et 3500 fanti, Traulzi e Baptistino per Zenoa con bon numero de cavali e pedoni, con disegno di alozar a Niza, Aqui e Capriana lochi di Monferà, e volea asegurarse, dicendo solo per una note.
     
      Item, esser avisi di Fiorenza di 13, dil zonzer lì de monsignor di begnì(28) a dì 10 infermo, acceptato honorifice come si 'l fusse stà il roy, et si divulgava fiorentini el fariano lhoro capitano dapoi che 'l fusse guarito; ma nulla seguite, e ritornò in Franza, come dirò.
     
      Item, el ducha de Milan dicea solicitar in tutte provisione opportune, et existimava aver fanti boni 3000.
     
      [1497 01 21]