Item, el conte di Cajazo vene di Seravale a Tortona et poi andoe in Alexandria, et insieme con Fracasso si adoperavano. San Piero in Vincula atendeva a l'impresa di Saona, era a l'Altar, et saonesi erano constanti, et ivi si ritrovava Domenego Malipiero provedador nostro con 7 galie et assà summa de fanti, con animo di defendersi.
     
      Item, francesi, videlicet quelli dil Traulzi, prese uno altro castello chiamato Sace et ivi si messeno a star.
     
      Nel consejo di pregadi, fo decreto di mandar in Savoia Antonio Vincivera secretario nostro era a Bologna, et in loco suo a Bologna dovesse andar Zuan Dolze. Et cussì fo scripto che vi andasse, el qual rescrivendo etc. parse a la Signoria che sarebbe stato molto longo ad andarvi, et atento che Marco Zorzi era per partirsi di Bergamo et andar in campo verso Alexandria, dovendo andar li proveditori electi, per dar etiam più reputation a mandar uno zenthilomo nostro, poi fo terminato che dicto Marco Zorzi, zonto che fusseno li proveditori in campo, si dovesse partir et andar a Casal dal marchexe di Monferà et signor Constantin Arniti, et poi transferirsi in Savoia.
     
      Ancora, si partì Zuan Paulo Gradenigo proveditor sopra li stratioti, per andar verso Alexandria, a dì 3.
     
      [1497 02 03]A dì 3 ditto, vene lettere di Napoli di l'orator nostro, zoè date in Capua a dì 28, come il re ritornava a Napoli per causa di le monede, perché a Napoli erano seguiti alcuni rumori per dicta caxon, et che havia lassato l'impresa di Sora cussì, dove era rimasto el signor Prospero Colona con zente.