Et come anderano, sarà scripto di sotto.
     
      Item, fo preso di reconzar le altre 2 nave di comun di botte 3000 l'una, erano etiam a Poveja.
     
      Ancora, fo messo do decime al monte nuovo a pagar, termene a mezo questo mese, con don di 6 per cento, et per tutto il mese senza pena. Et cussì fono pagate.
     
      È da saper, che 'l conte di Petigliano, inteso la deliberation dil senato che 'l cavalchasse, fu contentissimo; ma bisognando danari, voleva 3 page. Et cussì fo ordinato li fosse subito a Brexa date, et Zorzi Corner cavalier podestà di Brexa, a dì 8 fevrer, andò a Gedi a trovarlo acciò si expedisse. El qual a dì 10 partì insieme con Francesco Mozenigo capitano di Brexa et li proveditori nostri, et passò Ojo fin dove lo accompagnò dicto capitano. Et el conte Bernardin fo prestissimo, et etiam il Gambara.
     
      [1497 02 05]A dì 5, partì di questa terra, fo la domenega di carlevar, a bona hora, Andrea Zanchani et Nicolò [503] Foscarini provedadori nostri deputati in campo. Andono a Padoa, poi a Vizenza et a dì 7 a Verona, demum a Brexa, et trovato in hordine el conte di Petigliano, a dì 10 ditto partino di Brexa. Et passono insieme Ojo a Seniga, et andò in cremonese per andar di longo a passar Po et andar in Alexandria di la Paja, dove se doveano redur et ivi se feva la massa. Ma el ducha de Milano li scrisse una lettera che dovesse dicto conte et proveditori venir a Milano perché volleva prima conferir, siché conveneno andar a Milano, et cussì andono come dirò.
     
      In questi giorni, Marco Bevazan, secretario nostro, stato a Lyndò et in terra todescha et a sguizari nomine Dominii, ritornoe in questa terra, el qual jubente senato 2 zorni da poi si partì et andò a trovar li proveditori nostri.