Pagina (739/756)

   

pagina


Pagina_Precedente  Pagina_Successiva  Indice  Copertina 

      Aspectavano quelli dil campo nostro el conte di Petigliano con la sua compagnia, con grandissimo desiderio.
     
      Item, come, a dì 11, era ivi zonto in Alexandria Marco Zorzi nominato di sopra, venuto per proveditor dil campo. Et zonse a hore una di nocte. Gli andò contra el signor messer Galeazo, el conte di Cajazo et gli altri tutti condutieri, et li feceno grandissimo honor. Concludeva: zonto che fusse il conte di Petigliano, credevano far fatto d'arme, perché nostri si vorano far avanti, et inimici, volendo star saldi, convegnirano defendersi et esser a le mane.
     
      Da Zuan Paulo Gradenigo di Alexandria de' 12. Come, partito de Milano insieme con uno dil ducha, era zonto in quel zorno in Alexandria, alozato la sera avanti a Dorno sul pavese. Et poi li vene contra mia 2 domino Marco Zorzi proveditor et Vincenzo Valier restato ivi pagador, el signor Galeazo, el conte di Cajazo, el conte Alvise Avogaro, domino Thadeo da la Motella et altri zercha cavali 150. Et come era alozato da Vicenzo Valier per quella sera, et la matina dovea partirsi per andar al Castelazo mia 4 lontano, con stratioti 40 venuti con lui, a trovar li altri stratioti erano in dicto loco dil Castelazo, dove etiam si ritrovava el signor Frachasso.
     
      [510] Item, i nimici erano a Sace, et si divulgava de lì erano zercha persone 12 milia.
     
      Di Alexandria de 12. Come in quel zorno era venuto uno messo di Zuam Greco dil Castelazo. Che i nimici erano venuti fuora eri di Sace ben in hordine con la so artelaria, et haveano fornito el castello de la Spina, el qual è in mezo di Sace e dil Castelazo, el qual castello fin hora era stato neutral, a hora i nimici lo tolseno come suo.


Pagina_Precedente  Pagina_Successiva  Indice  Copertina 

   

I Diarii
Tomo I - parte prima
di Marino Sanuto
Editore Visentini Venezia
1879 pagine 756

   





Petigliano Alexandria Marco Zorzi Galeazo Cajazo Petigliano Zuan Paulo Gradenigo Alexandria Milano Alexandria Dorno Marco Zorzi Vincenzo Valier Galeazo Cajazo Alvise Avogaro Thadeo Motella Vicenzo Valier Castelazo Castelazo Frachasso Sace Alexandria Zuam Greco Castelazo Sace Spina Sace Castelazo