Et che il cardinal Ascanio era pur amallato; ma andava migliorando. Et che per Roma si divulgava el pontifice voleva far cinque cardinali per queste tempore, zoè: el suo maestro di caxa episcopo di Calahora yspano et vechio, el qual al tempo di la venuta dil re di Franza in Italia fo qui legato; el Lipomano patricio nostro et prothonotario, el qual era a Roma; el vescovo di Ceneda domino Nicolao Trivixan veneto, et el general di frati menori fra Francesco Sanxon brexano, el qual era vechio e, dicitur, voleva dar al papa ducati 30 milia. Tamen, non fono facti alcuni, et dil fradelo dil marchexe di Mantoa, et dil fio dil magnifico Johanne Bentivoi non se parlava.
     
      Da Turin, di Marco Zorzi orator nostro. Chome pratichava per quella via, insieme con il messo dil papa, mediante quel ducha, di vegnir a qualche conclusione, et cercha questo esso orator si portava benissimo et era molto laudato. Et advisoe come a dì 10 de l'instante, el re di Franza a Lion fece consiglio e parlamento utrum el dovesse venir di qua da' monti, atento, che a dì 25 april era il termine di capitoli costituito a li collegati volendo intrar in la trieva. Et che fo disconsejato, ymo decreto che non venisse. Et che el ducha di Barbon suo cugnado, el ducha di Orliens et el principe di Orangia lo disconfortaveno a venir, et el cardinal monsignor Samallò, monsignor di Beulcher et li oratori fiorentini [562] fevano ogni cossa acciò venisse. Et etiam don Ferante fiol dil ducha di Ferara, et fiorentini li prometeva di darli, subito zonto in Aste, fiorini 70 milia.