Qui quidem confoederati compraehendantur et compraehensi esse intelligantur in dicta tregua, quam servare habeant et ipsis servabitur.
      14.° Item, per dictum regem Franciae, nominantur pro confoederatis suis: summus pontifex, cardinalis Sancti Petri ad Vincula, sereniss. romanorum rex, rex Hungariae, Bohoemiae et Poloniae, rex Angliae, rex Scotorum, rex Dinormatiae, rex Portugalliae, rex et regina Navariae, archidux Philippus, dux Sabaudiae, dux Lotharingiae, dux Geldriae, dux Ferrariae, dux Oliveti et omnes familiae suae, dominium florentinorum, domini de liga Alemaniae superioris, liga grisa, marchio Montisferrati, marchio Saluciarum, dominus praefectus, dominus Johannes Jacobus Triultius, comes Opicinus, comes Astensis, comes Paleacii, dux Montis Sancti Angeli, dominus Joannes Baptista de Campofregoxio, dominus Ursinus et omnes de familia Ursina, dominus Paulus Vitellius, Vitellonus et omnes familiae Vitellorum, et generaliter omnes principes, milites et adhaerentes dicti regis Franciae, terra Italiae et regnum neapolitanum.
      15.° Item, praefati rex et regina Hyspaniae et dictus rex Franciae obligantur omnia in suprascripta capitulatione contenta observare per se et confoederatos suos; et est concordatum et conclusum, quod dicta obligatio intelligatur in hunc modum: quod scilicet, si dicti adhaerentes, aut aliquis ipsorum, frangerent dictam treguam, quod illi qui fuerint causa fractionis teneantur et habeantur pro violatoribus dictarum induciarum, extra quas intelligantur esse, remanente tamen tregua in robore et vigore suo cum caeteris aliis.