Tutti li qual colligati i ano nominati o che se nominerano facendosse la declaration de voler esser compresi infra tempus e nel modo sopradito, serano compresi in questa pace insieme con li lhoro paexi, terre, signorie, servitori e subditi.
     
      Item, che in questa pace similiter sia compreso come consejer et servitor del re misier Gujelmo de Urmironet episcopo et conte de Verdun, sì per la persona sua come per lo dito episcopato et contato de Verdun, terre, servidori e subditi.
     
      Item, serano compresi in questa pace, de consentimento dei diti principi, l'arcivescovo, zente de [601] giesia, nobili, citadini et habitanti de Besanzon, i qual habino a galder i beni che i hanno in ciaschaduna parte, et siano intertenuti nei loro driti, franchisii et libertà.
     
      Item, che per lo mantenimento et conservation de questa pace, et a fin che la sia guardata et observata senza alguna fractione, sono stà et sono trovati le segurtà infrascripte. Et primo: che el re christianissimo, per lui e monsignor il Dolphin, et lo re de' romani et l'archiducha per loro et per madama Margarita, per la qual i prometono, passerano, recognoserano, confermerano et ratificherano per lettere sue patente el presente tratato de pace, et farano solenni sacramenti sopra la vera croce et el nome de la messa et santi evangeli tochati corporalmente, de intertenir questo presente tratato de pace in tuti li sui ponti et articuli, et far che la sia intertenuta per quelli del suo consejo, officiali, servidori e subditi, et non permeter over soffrir che per algun modo sia fato in contrario directe vel indirecte; et a questo obligano loro reame, paexe, terre e signorie et a tute censure ecclesiastice, non obstante privilegii in contrario.