Insuper, el re, per segurtà de questa pace, farà dar ai ditti signori re de' romani et archiducha le lettere et sigilli dei signor duci de Orliens, de Barbom, de Namurs, dei conti da Magliemo et Monpensier, de Vandomo, de monsignor el principe de Orange, i segnori maraschalchi et armiragii de Franza, et per le terre, cità et comunità de Paris, Roam, Lion, Poeters, Tors, Angers, Orliens, Tornai. Et i diti signori re de' romani et archiducha farano similiter dar le lettere e sigilli dei duci de Zases, marchese de Bada, monsignor de Ravesten, i conti de Nanson, de Store, el principe de Smai, i signori de Beures, de Sienves, de Sierve, de Ubalni, de Malenbais, d'Esni, de Frasnei, de Squemonde, du Granboli, de Malt, et per le terre comunità de Luna, Borusils, Amens, Borsleduch, Gant, Bruges, Lile, Douai, Aras, Sant Homer, Montevalt, Cieno, Durdrech, Mudelburg e Namurch, i qualli sigilli da una parte et da l'altra confermerano la impromessa de intertenir over far intertenir questo presente tratato de pace, et che se 'l sarà contravenuto per i principi da la parte dei qual se darano i sigilli, o alguno per loro, et che la restitution et reparation non fusse fata fra termene de 6 setimane immediate sequente, in questo caso serano tenute de abandonar et lassar colui che haverà contravenuto et dato favor, ajuto et asistentia, a colui sopra el qual serà fata la dita interpresa. Et è ordinato per ditto tratato di pace cussì far, et ex nunc color che darano i ditti sigilli sono in dito caso de contravection et fractura aquietati dei lhoro sagramenti.