Dreto a noi stavano in pede alcuni pochi de la principessa. Dal lato de la serenissima regina sedevano, cum medesimo ordene et a rimpeto de li oratori, lo infante de Navara, lo arzivescovo de Sibilia, li dui infanti de Granata et il gran contestabile. Dreto ad loro in pede stavano alcuni altri grandi del regno. Dreto al signor re stava l'admirante in pede acostato ad la cathedra, et parlando con sua majestà. A l'ascendere del tribunal, erano da una banda don Henrico barba del signor re, da l'altra il comendatore majore de San Jacomo, prohibendo che altri non monteseno, et facendo ordinatamente ascendere cercha 60 damisele, la majore parte nubile, tute, per quanto se dixeva, donzele de la serenissima regina, vestite tute de brocato d'oro rizo et folio con sbernie de seta de varii [623] colori, quale basorno la mano ad la principessa, in che consumò il tempo de una hora. Et fornito questo, le regie majestà levarno in piede et licentiorno noi oratori. In questa intrata, ultra li nominati, se li sono trovati il ducha de Alva, ducha d'Alburcherch marchese de Molia, marchese de Viliema, conte de Benalcharcer, conte de Salines, de Bicina, de Siphontes, de Sirola, de Miranda, vice conte de Vigornia, l'adlentato de Murtia, et altri cavalieri, ben in ordine de turchi, salii, capuzi et tavardi de brochato et sede de diverso colore et belle fogie, cum, assai gioje, recami de arzento et oro batuti, in loco de recami che se solino fare d'oro e d'argento filado, per modo ch'è cossa miranda, maxime non essendo fin qui venuti altri de li principi et grandi de epso regno qual se expectano.