Poi Orsini e colonesi con li soi seguazi se sublevono in arme a Roma, e si dubitava si acorderano con il cardinal Ascanio a ruina dil papa, e per questo il papa dubitava et era reduto in castello.
     
     
      Chome el marchexe di Mantoa fo privato di esser capitano zeneral di la Signoria.
     
      In questo mexe di zugno, più volte fo consejo di X con zonta, deputada non solum dil collegio, ma etiam de altri patricii primarii dil senato, i quali saranno scripti di soto. Et ogniuno stava in expectatione di quello havesse a esser. Tandem, a dì 23 ditto, chiamato el consejo di pregadi, fo publicato come nel consejo di X con la zonta predicta, haveano cassato el signor Francesco di Gonzaga marchexe di Mantoa di esser più capitano zeneral nostro, et privato dil stipendio, et questo perché haveva tramato di aconzarsi con il re di Franza, per il qual seguiva cosse perniciose al stato nostro, chome a esso consejo di X tutto è stà noto. Unde, questa cossa parse molto da nuovo al senato, che non sapevano prima et credevano esser serviti fidellissimamente dal prefatto marchexe, el qual, oltra el titolo di capitano di tal Signoria, havia ducati 43 milia ogni anno, et ogni mexe era pagato dalla camera di Padoa, et restava debitor de danari abuti di più, fatto soi conti, de ducati 20 milia. Or publicato tal cossa in pregadi, fo comandato stretissima credenza che niuno non dicesse nulla fino el zorno sequente, et questo perché voleva la Signoria la matina, a dì 24, el zorno di San Zuane, dirlo a li oratori prima, et che passà le 18 hore, tutti lo potesse dir.