Alberto veramente si ritrovava a Ferara; el qual, andato dal ducha, dimandoe ajuto et favore, et anche scrisse al socero marchexe di Mantoa, el qual era a Mantoa, che di lui non si domentichasse, havendo a torto da' soi cusini recevuto tal injuria et expulsione dil stato, et toltoli li beni lhoro paterni. El signor Gilberto, etiam lui, scrisse a Bologna a suo suocero che lo ajutasse, poiché una volta havia abuto tuto el dominio, a far che restasse in quello, et pregava li mandasse zente.
     
      [682] Etiam, scrisse a Brexa al conte Zuam Francesco da Gambara condutier nostro, ch'è suo cugnato et ha una sua sorella per moglie, che ivi andasse con li soi cavalli et compagnia, el qual conte andoe subito da Zorzi Corner cavalier podestà et Francesco Mocenigo capitano di Brexa a dimandar licentia potesse andarvi, i quali da lhoro non gela volseno dar se prima non intendeva la opinion di la Signoria nostra. Et dicto conte, esso medemo, vene poi in questa terra. El marchexe di Mantoa scrisse a la Signoria chome el voleva ajutar suo zenero et vendicarsi contra li severineschi, da li qual se reputava molto inzuriato, et che, benché non havesse più il stipendio da la Signoria nostra, tamen era et saria sempre deditissimo fiol, et non volleva far niuna cossa, né altra movesta senza licentia de quella, et che, volendo, l'anderia a remeter in caxa soa il zenero suo. Et cussì li soi do oratori, zoè domino Beneto Tosabecho et domino Georgio Brognolo, erano in questa terra, andono in collegio presentando questa lettera, la copia di la qual di soto sarà scripta, et questo fo a dì 12 lujo, exponendo quanto il suo signor li havea comesso, dimandando risposta.