La qual nova non era in preposito che tal zente si aproximasse vicino a Italia, perhoché a un passar presto saria su la Calavria, dove molte terre si tien per el ditto re, tra le qual tre etiam lui ha in pegno per il socorso dato al re Ferandino in la recuperation dil regno, videlicet Cotron, Turpia e La Mantia. Tamen, questa nova vene, et dicto principe non si partì di Spagna, né di Spagna se intendeva alcuna cossa di questa tal venuta.
     
      È da saper che, morto don Enrich capitano [702] yspano a Perpignam, il re mandoe ivi suo capitano il conte di Rivagorza fo fiol di don Alonso di Villaermosa, fratello olim di esso re di Spagna presente.
     
     
     
      Dil mexe di avosto 1497.
     
      [1497 08 01]A dì primo avosto, per uno gripeto picolo spazato da Catharo dal capitano zeneral, et di Domenego Malipiero proveditor di l'armata de 19 lujo, se intese. Prima quelle cosse de lì prendeva bon camino. Quel sanzacho aspectava mandato dal Signor, et in Zupa havia mandato quatro turchi, et zà per la Signoria nostra era stà scripto de lì che fusse remandato Alvise Sagudino a Constantinopoli, a veder si, con persuasione dicto Signor volesse lassar Zuppa, saline et dacio, perché, siben Zorzi Zernovich le teniva, tamen antiquitus era di la juridictione di Catharo loco nostro. Ancora advisoe come haveano avisi da Corfù, et dicta nova veniva di Malvasia, che turchi, zoè 7 fuste et 2 barze, capitano Ganbasat Enrichì corssato et armiraio uno cretense chiamato Barbeta che havia rebellato, hessendo in mar a' danni de chi mancho puol, in le aque di Cerigo havia combatuto la galia dil Zapho patron Alvixe Zorzi da San Fantin, sopra la qual era pelegrini n. ... tra li qual uno signor oltramontano gran maistro, el qual nolizoe per duc.