Adoncha, fo terminato la majestà di la regina facesse l'intrada a Brexa a dì 3 setembrio. Et si partì di Asolo in careta a dì ... avosto, insieme con le sue donzele et alcune done di questa terra le qual sarano nominate di soto, et questi patricii: Hironimo Lion cavalier, Polo Capelo cavalier suo cugnato, Marco Dandolo doctor et cavalier etiam olim suo cugnato, Nicolò di Prioli et Piero Zen soi zermani, et Andrea Diedo suo nepote et che tunc era per sua majestà podestà di Asolo, et altri; in tutto cavalli ... et carete 12. Andoe a Bassam, et fo honorata da Piero Lando podestà et capitano; demum a Vicenza, et più honorata da Piero Capelo podestà et Zuam Bernardo capitano, alozoe in caxa di Zuam da Porto. Poi introe a Verona, etiam molto honorata, di comandamento perhò di la Signoria nostra, da Lunardo Mocenigo podestà et Nicolò Foscarini capitano di Verona. Alozoe nel vescovado. Et a Vicenza et Verona li fo fato presenti per la comunità, et preparato honorifice la stantia. Et a dì 4 setembrio, luni, introe in Brexa, come ho scripto dovea intrar, di la qual intrata più avanti, copioso, a Dio piacendo scriverò. Et la zostra se fece a dì 10 ditto, et molti patricii nostri andono a Brexa a veder queste somptuosità et magnificentie.
     
      Ma prima che la raina intrasse, fo a dì 28 avosto [743] in Brexa, 12 giostradori che vi era zà venuti, tra li qual alcuni cittadini brexani, terminò tra lhoro metter uno ducato per uno, et comprar uno zojelo per ducati 12 da portar su la bareta, et corer solum cinque botte per uno.