Tromboni et piferi " 10
      Done de la majestà de la regina vestide de raso verde a la cypriota " 7
      Zentildone venitiane da conto, zoè la mojer di misier Polo Capelo, di misier Hironimo Lion, di ser Piero Zen, di ser Andrea Diedo, di ser Leonardo Griti, in tutto " 5
      Uno caro triumphal tirado da 4 cavali leardi, da ducati 100 l'uno de pretio, quali sono de' stratioti, con corni in fronte a modo de lioncorni, cavali " 4
      Zenthilomeni tre venitiani vestidi d'oro et cremesin con colaine, zoè domino Hironimo Lion, domino Paulo Capello, domino Marco Dandolo, tuti cavalieri " 3
      La majestà de la regina a cavalo, sopra la qual era portato uno baldachino bianco, qual portava canonici 6, et doctori 6 a la staffa, vestidi de damaschin cremexin con bavari de varo.
     
      Driedo veniva li magnifici rectori, videlicet: domino Georgio Corner cavalier, fratello di sua majestà, podestà, et domino Francisco Mocenigo capetanio, in mezo di li qual lo illustrissimo conte di Petigliano governador zeneral di la illustrissima Signoria nostra; poi Dolfin Venier et Hironimo di Garzoni, camerlengi di quella cità.
     
      Cavalieri con veste d'oro et colane N.° 10
      Carete de zentildone venitiane, bresane e forestiere " 15
      Zoveni a cavalo, vestidi con zuponi de raso cremesin, e manege de raso paonazo, borzegini, con suo' fameglii a la staffa ben in ordine, et in gamba la divisa di la majestà di la regina. In tutto " 24
     
      [765] Poi una representation era davanti la porta dil palazo dil magnifico podestà; et a la habitation di la sua majestà, ch'è nel palazo fo di Bortolo Cojom al presente di Ludovico da Martinengo, era una fontana che butava vino et vernaza.