Vene poi li do homeni d'arme dil conte di Petiano con 7 stendardi spiegadi, 1 de' fiorentini, 4 de do pontifici e de la Chiesia, uno ragonese, e l'ultimo el nostro di San Marco, con più di 20 trombeti avanti, et sopraveste a li cavali etc. Poi Piero da Martinengo. Poi Zuam Maria da Martinengo e tre homeni d'arme dil conte Zuam Francesco da Gambara, e 'l resto poi, di grado in grado. Et 5 si tolseno zoso. Erano tuti giostradori 30, et fo zostrato, et con antenele grosissime corevano. Durò la zostra la domenega, luni e marti fin 17 hore. Era assà populo, e tuta Brexa piena. Et have il precio, zoè braza ... restagno d'oro et duc. 50 d'oro uno Antonio di Castelnovo homo d'arme de Frachasso. Et cussì fo acompagnato davanti la raina e rectori sul tribunal per el signor Galeazo e Frachasso et il conte di Petigliano in mezo, et con 50 trombeti avanti, et li sanseverineschi honoroe molto la giostra et acompagnoron poi la raina a caxa. Et il luni, li fé una festa fin 7 hore di note, e dete cena a la moglie di Frachasso. Et compite le giostre, el marti domino Galeazo e Frachasso se partino per haver auto la sera lettere dil ducha di Milan che li admoniva che misier Galeazo andasse a Milan, e Frachasso a Pizegaton a far la mostra di le sue zente a dì 17 di questo.
     
      Vi fu a questa feste el marchexe di Mantoa stravestito, e la sua favorita in publico con assà foze, domina Thodora.
     
      Item, el cardinal fiol dil ducha di Ferara, el vescovo di Mantoa, el prothonotario fradelo dil marchexe di Mantoa, el signor Nicolò de Corezo, el [767] signor di Pesaro, tuti con capeli revolti.