La qual, zà anni tre, non hanno potuto otegnir in Saragosa cosa alguna, e questo perché el governador pasato era participe di robamenti fatti per questo corsaro: et ti aviso Saragosa esser la vera madre che parturise corsari, et Rodi preservatrice de quelli. Tamen, non ostante questo, considerato l'amor et confederation ha la Signoria nostra con queste regie majestà, havendo etiam abuto pietà di preditti poveri suditi dannificati che mai haveriano otenuto el suo pagamento; e per far cognoscer a tuti io non son dove mi atrovo a fin di incalzar roba, ma perseguitar e castigar i ladri che vano molestando e robando i subditi nostri, me levai dal sopra dito loco de Mangixi, e venuto nel porto di Saragosa con le preditte prexe, mandai el mio capelan dal signor presidente con ogni amorevol dimostration a oferir il tuto per nome di la Signoria nostra; ma con questa condition, che de primo i poveri subditi foseno pagati, poi facesse dar a ditto corsaro idonee piezarie per i danni l'avesse comesso a' subditi nostri, da esser fato questo pagamento sempre che sarà cognosciuto el danno per la Signoria nostra, et per letere soe simplice sarà dechiarito, senza intervalo de alcuno altro judicio. Siché, a ditti subditi ho fatto tochar duchati 400, come per juramento hano dito esser stà il suo danno, e fato dar etiam idonee piezarie, come ho preditto, di duc. 1000, che di più non ho potuto otegnir per non haver lui abuto el modo
      de poserle dar. Poi, fizi la restitution di la preditta prexa. Ma ben ti dico, si el non fuziva, havendolo prexo, feva altra deliberation de questa etc. per la pocha stimation quelli di Saragosa [771] haveano facto a le triplichate letere di la Signoria nostra, a instantia di predicti ladri.