Item, sier Bernardin Morexini di sier Domenego, et sier Alvise da Molin di sier Bernardin, erano nobili da pope. Et pių volte, il ditto sier Bernardo di Prioli, volendo aferarsi a la galia non potč, et vene una bota di mar che lo anegoe. Or inteso questa piatosa nuova, tutta questa terra have gran dispiacer, sė per li morti (et zercha 30 galioti), qual per il romper di le galie, cosa zā molti et molti anni non acaduta in questi mari; et il danno di le merchadantie. Et subito fo scrito a tutti li rectori de l'Ystria dovesseno con barche in ditto porto andar, et maxime il conte di Cherso, et veder di recuperar le robe, et che non movesseno alcuna cossa. Et per il consejo di pregadi fo decreto mandar ivi do savii ai ordeni, i qual fono sier Domenego di Prioli et sier Piero da cha' da Pexaro da Londra, per veder di ricuperar le merchadantie che valeano un pozo d'oro, con comission amplissime di poter impichar li delinquenti et quelli havesseno robato. Et cussė la sera si partino et ancora si ritrovava ivi. Andō etiam Zorzi Dragam et altri maritimi. Da poi il caso dil romper, sopravene Hironimo Contarini proveditor di l'armata che veniva a disarmar, con la galia lesignana, in Istria, el qual fece ogni provisione de recuperar le merce et veder non fusse robato; et se ditto proveditor non se imbateva ivi, forsi molti si arebeno facto richi. Et č da saper, come di la galia Guora fo recuperato quasi el forzo, et mandate su marani et barche in questa terra in doana le specie cussė bagnate, et la brigata le trazevano per li segnali senza altro dacio.